مەودا میدیا-

بەڕێوەبەرایەتیی ئاسایشی شارەزور ئاشکرایکرد بەکارهێنەرێکی مادەی هۆشبەر کە لە ماوەی رابردوودا دەستگیرکرابوو لەلایەن  دادگای كه‌تنی هه‌ڵه‌بجه‌وە بۆ ماوەی یەک ساڵ زیندانیکردن سزا درا.

لە راگەیەندراوەکەدا هاتووە "هێزه‌كانمان و هاوكاری خه‌ڵكی ناوچه‌كه‌مان و له‌ چوارچێوه‌ی هه‌ڵمه‌ته‌ چڕ و به‌رده‌وامه‌كانی هێزه‌كانی به‌ڕێوه‌به‌رایه‌تیی ئاسایشی شاره‌زوور بۆ نه‌هێشتنی دیارده‌ی به‌كارهێنان و بازرگانیكردن به‌ ماده‌ هۆشبه‌ر و كارتێكه‌ره‌ عه‌قڵییه‌كانه‌وه‌ دوای ئه‌وه‌ی له ‌ماوه‌كانی پێشوودا به‌ فه‌رمانی به‌ڕێز دادوه‌ر هێزه‌كانمان  به‌ كار هێنه‌رێكی ماده‌ی هۆشبه‌ری به‌ناوی (ع . ع . م)ده‌ستگیركرد، دواتر دۆسیه‌ی بۆ كرایه‌وه‌ و ڕه‌وانه‌ی دادگا كرا".

ئاماژە بەوەشکراوە "بۆ ئه‌و مه‌به‌سته‌ دادگای كه‌تنی هه‌ڵه‌بجه‌ له‌ رۆژی چوارشەممە 23/6/2021 بڕیاریدا به ‌سزادانی به‌ زیندانیكردن بۆ ماوه‌ی یه‌ك ساڵ به‌ پێی ماده‌ی (30) له‌ یاسای به‌ره‌نگاربوونه‌وه‌ی ماده‌ هۆشبه‌ر و كارتێكه‌ره‌ عه‌قڵییه‌كان".

س.س