مەودا میدیا-

بەڕێوەبەرایەتیی گشتیی تەندروستیی هەولێر رایگەیاند نەخۆشخانەی فریاكەوتنی رۆژئاوای هەولێر، لە پێشوازیدایە بۆ هەر حاڵەتێكی فریاكەوتن و كتوپڕ، نەخۆشخانەی ئێمەرجنسیی هەولێر، وەک رابردوو گەڕاوەتەوە باری ئاسایی خۆی و تەنها چارەسەری حاڵەتەكانی سووتان و بەركەوتنی گوللەی لێ دەكرێت.

بەڕێوەبەرایەتیی گشتیی تەندروستیی هەولێر ئەمڕۆ پێنجشەممە 24ی حوزەیرانی 2021 لە راگەیەندراوێکدا ئاماژەی بەوەکرد "لە ئەمڕۆوە نەخۆشخانەی فریاكەوتنی رۆژئاوای هەولێر، لە پێشوازی هاوڵاتییاندایە بۆ هەر حاڵەتێكی فریاكەوتن و كتوپڕ، هاوڵاتییان دەتوانن بۆ هەر حاڵەتێكی لەناكاو، سەردانی نەخۆشخانەكە بكەن".

ئاماژە بەوەشکراوە "نەخۆشخانەی ئێمەرجنسیی هەولێر تەنها چارەسەری حاڵەتەكانی سووتان و بەركەوتنی گوللەی لێ دەكرێت، وەک رابردوو گەڕاوەتەوە باری ئاسایی خۆی".

پ.ح