مەودا میدیا-

کەسوکاری زیندانیانی بادینان پەیامێکیان بڵاوکردەوە و داوا دەکەن لە هاوڵاتییان و ئازادیخوازان بێده‌نگ نه‌بن له‌و زوڵمه‌ی له‌ گیراوانی بادینان ده‌كرێت.

لە پەیامەکەدا هاتووە "تكا له‌ سه‌رجه‌م هاوڵاتییان و ئازادیخوازان ده‌كه‌ین هه‌ركه‌سێك خۆی به‌ خه‌مخۆری كورد ده‌زانێت بابێده‌نگ نه‌بن له‌و زوڵمه‌ی له‌ گیراوانی بادینان ده‌كرێت، ئه‌وان گیانی خۆیان خستووه‌ته‌ مه‌ترسی له‌پێناو به‌ده‌ستهێنانی مافه‌كانی ئێوه‌، ده‌بێت ئێوه‌ش وه‌فای خۆتان بخه‌نه‌ڕوو له‌ پشت شاشه‌كان وه‌رنه‌ ده‌رێ، لانیكه‌م ئه‌گه‌ر به‌ پۆستێكی سۆشیالیش میدیاش بێت یان به‌چالاكی هه‌ڵوێست بنوێنن".

ئاماژەیان بەوەکردووە "ئه‌مڕۆ ئه‌وانن سبه‌ی  ئێمه‌ین بۆیه‌ داوا له‌ سه‌رجه‌م ڕێكراوه‌كانی مافی مرۆڤ و هه‌مو رێكخراوه‌كانی جیهانی ده‌كه‌ین، تكایه، تكایه، تكایه، به‌جدی تر وه‌رنه سه‌رخه‌ت بارودۆخی زیندانیان خراپه‌ هیچ به‌ره‌وپێشچونێك نیه‌ و پلانی مه‌ترسیدار هه‌یه‌ كه‌ هه‌مو چالاكوان به‌بێ منه‌تی حوكم ده‌كرێن".

س.س