مەودا میدیا-

ژن و مێردێكی بەریتانی بەهۆی جیاوازیی باڵایانەوە ناویان چووە كتێبی گینسەوە و هۆكارەكەیشی ئەوەیە خاوەن گەورەترین جیاوازیی دریژین لە جیهاندا.

لاپەڕەی تایبەتیی "گینس" لە ئینیستاگرام چەند وێنە و ڤیدیۆیەكی (جیمس- 33 ساڵ) و ژنەكەی (كلۆی لۆست- تەمەن 27 ساڵ)ی بڵاوكردووەتەوە كە بە روونی جیاوازیی باڵایان دەردەكەوێت.

جیاوازیی باڵای ئەو ژن و مێردە (56.8 سانتیمەترە)، درێژی باڵای جیمس 109.3 سانتیمەترە لەكاتێكدا درێژی باڵای كلۆی 166.1 سانتیمەترە و بەو هۆیەیشەوە ناویان چووە كتێبی گینسەوە.

جیمس و كلۆی ماوەی پێنح ساڵە هاوسەرگیرییان كردووە و منداڵێكی دوو ساڵانیان هەیە و لە ئاهەنگی ناوتۆماركردنیان لە كتێبی گینس لەگەڵیان ئامادەبوو.

كلۆی لەگەڵ مێردەكەی بەختەوەرە و وتوویەتی "چیرۆكەكەمان هەموو كەس دەیزانێ‌، گونجاو نییە لە رێگەی بەرگەكەیەوە بڕیار لە ناوەڕۆكی كتێبێك بدەیت، باشترە كەسێكت خوشبووێت بێ لەبەرچاوگرتنی ناسنامەكەی".

خ.غ