مەودا میدیا-

 سەرۆک وەزیرانی عیراق دەستگیرکردنی بکوژانی توێژەی ئەمنی هیشام هاشمیی راگەیاند.  

  

ئەمڕۆ هەینی 16ی تەمووزی 2021 لە تویتێکدا مستەفا کازمی سەرۆک وەزیرانی عیراق رایگەیاند "بەڵێنی خۆمان بردەسەر و بكوژانی هیشام هاشمی ـ مان دەستگیركرد، پێشتریش گروپەكانی مەرگ و بكوژانی ئەحمەد عەبدولسەمەدمان رووبەڕوی دادگا كردەوە و سەدان تاوانبارمان دەستگیركرد".

  

هەر لە تویتەکەدا ئاماژەی بەوەشکردووە "رەخنەگرتن مافی هەمووانە، بەڵام ئێمە بۆ ریكلام و موزایەدە كارناكەین، بەپێی توانا ماف دەچەسپێنین و خزمەت دەكەین".  

 
هيشام هاشمى توێژەری ئەمنی و شیکەرەوەى دیارى عێراقى شەوى 6ى 7ى 2020 لەبەردەم ماڵەکەى خۆیدا لەناوچەى زەیونەى بەغدا کاتێک لە ئۆتۆمبێلەکەیدا بوو دەگەڕایەوە ماڵەوە، لەلایەن سێ چەکدارەوە كە ماتۆڕسکیلیان پێ بوو تیرۆر کرا.

 

ر.ر