مەودا میدیا-

وتەبێژی کۆشکی سپی وادەی سەردانەکەی سەرۆک وەزیرانی عیراقی ئاشکراکرد و رایگەیاند، مستەفا کازمی لە 26ی تەمووزدا سەردانی ئەمەریکا دەکات.

جێن ساکی، وتەبێژی کۆشکی سپی لە راگەیەندراوێکدا ئاماژەی بۆ ئەوەکردووە کە جۆ بایدن، سەرۆکی ئەمەریکا لە کۆشکی سپی میوانداری مستەفا کازمی دەکات و لە سەردانەکەدا جەخت لە هەماهەنگی ستراتیجی و کاری هاوبەشی نێوا هەردوو وڵات دەکرێتەوە.

لە راگەیەندراوەکەدا ئەوەش خراوەتەڕوو کە لە میانەی سەردانەکەدا، سەرنج دەخرێتە سەر پرسەکانی وەک پەروەردە، تەندرووستی، کولتوور، وزە و ئاووهەوا، هەروەها لە پرسە سیاسی، ئابووری و ئەمنییەکان بەتایبەت بۆ ریشەکێش کردنی داعش، ئەمەریکا هەماهەنگییەکانی لەگەڵ عێراق بەهێزتر دەکات.

ر.ر