مەودا میدیا-

 

هەرچەندە زۆربەی جارەکان خەڵکی بەشێوەی جۆراو جۆر باس لە زیانەکانی قاوە دەکەن و لە جیهاندا رێژەیەکی زۆر خەڵک بەو خواردنەوەیە ئاڵودە بوون، بەڵام لە رووی تەندروستییەوە سوودی زۆرمان پێدەگەیەنێت .

 

لەشکر حەمید، ئەندازیاری خۆراک دەڵێت، قاوئەگەر بە بڕی گونجاو و لە کاتی گونجاو بە پێی تەمەن و تەندروستی مرۆڤ بخورێت سوودی زۆری هەیە بۆ مرۆڤ.

 

ئاماژە بۆ ئەوەش دەکات، قاوە هۆکارە بۆ زیادکردنی چالاکی مێشک و تەرکیز زیاد دەکات و رەواندنەوەی خەو لە چاوەکان، مەترسی نەخۆشی شەکرە کەم دەکاتە و چەوری گورچیلە کەم دەکات و دەبێتە هۆی کەمکردنەوەی شێرپەنجەی جگەر، یارمەتی دەرە بۆ کەمکردنەوەی رادەی گرژی و هەست بە نائومێدی کردن، یارمەتی کرداری هەرسکردن دەدات و هەرس رێکدەخات.

 

ئەوەشی خستووەتەڕوو، قاوە چالاککەرە بەتایبەتی بۆ ئەو کەسانەی وەرزش دەکەن، قاوە هۆکارە بۆ کەمکردنەوەی کێش و ئازاری جەستە و رێگرە لە دروستبوونی بەردی گورچیلە چونکە کافایین میزهێنەرە و بەهۆیەوە بەرد و لم فڕێ دەدات، گرفتی سوڕی مانگانە کەم دەکاتەوە و دەبێتە هۆی کەم بوونی رۆشتنی خوێن لە کاتی سوڕی مانگانەدا و سوڕی خوێن چالاک دەکات.

 

- قاوە پێویستە رۆژانە بۆ مۆرڤی تەندروست ( ١ تا ٣ ) کوپ زیاتر نەخوات.

 

- نابێت مناداڵی خوار (١٥) ساڵ بیخوات.

 

- ئەو کەسانەی پەستانی خوێن یان بەرزە یان نەخۆشی دڵیان هەیە نابێت قاوە بخۆن.

 

- ئەو کەسانەی کێشەی گەدەو ریخۆڵەیان هەیە نابێت بیخۆن لەبەر بوونی کافایین.

 

- لە تەمەنی سەرو (٤٠) ساڵ نابێت رۆژانە لە دوو کوپ زیاتر قاوە بخورێت.

 

زیانەکانی قاوە ئەگەر بە بڕی زۆر بخورێت.

 

-بەرزبوونەوەی فشاری خوێن و سەر ئێشە.

 

- دەبێتە مادەیەکی ژەهراوی و کۆئەندامی دەمار دەهەژێنێت.

 

- دەبێتە هۆی کەم خەوی و لەرزین و گرژوونی ماسولکەکان و شێواوی لە قسەکردندا.

 

- دەبێتە هۆێ خێرا لێدانی دڵ.

 

- دڵ تێکهەڵهاتن و کەمی حەوانەوە.

 

-  دەبیتە هۆی زۆر میزکردن.

 

ر.ر