مەودا میدیا-

وەزارەتی تەندروستیی هەرێم رایگەیاند، تاوەکو  درەنگانی شەوی رابردوو زۆرترین تووشبووی کۆرۆنا تۆمارکراون و لەم کاتەدا دۆخی بڵاوبوونەوەی ڤایرۆسی کۆرۆنا زۆر خراپە.

 ئەمڕۆ دووشەممە 26ی تەمووزی 2021 وەزارەتی تەندروستیی حکومەتی هەرێمی کوردستان راگەیەندراوێکی بڵاوکردەوە و ئاماژەی بۆ ئەوەکرد "رەوشی بڵاوبوونەوەی ڤایرۆسی کۆرۆنا زۆر خراپە و شەوی رابردوو زۆرترین ژمارەی تووشبووان تۆمارکراوە، کە ژمارەکە یەکجار زۆرە و زۆرترین تووشبوون لە پارێزگای دهۆک بووە".

 باسی لەوەشکردووە، سەرلەبەیانی ئەمڕۆ دووشەممە سامان بەرزنجی، وەزیری تەندروستی گەیشتە شاری دهۆک بەمەبەستی ئامادەکردنی پلانێکی نوێی چارەسەرکردنی نەخۆشان، دابینکردنی پێداویستی، ئامادەکاری زیاتر و کردنەوەی نەخۆشخانەی دیکەی تایبەت بە وەرگرتنی کۆرۆنا.

  ماوەی چەند رۆژێکە ئامارەکانی تووشبوون بەکۆرۆنا لەهەرێمی کوردستان بەشێوەیەکی بەرچاو روو لە هەڵکشانە و بەرپرسانی تەندروستیش داوا لە هاوڵاتییان دەکەن پابەندی رێنماییە تەندروستییەکان بن.

 ر.ر