تەندروستی

تا ئێستا زانیوتە تانکی پلاستیک کاریگەری لەسەر وەچە خستنەوە دادەنێت؟

مەودا میدیا - سلێمانی |


تا ئێستا زانیوتە تانکی پلاستیک کاریگەری لەسەر وەچە خستنەوە دادەنێت؟
مەودا میدیا-

ئەندازیارێکی خۆراک باس لەوەدەکات، ئەو تانكییە پلاستیكییانەی لە بازاڕ هەیە و دەفرۆشرێن، دەبێتە هۆی هەناسە تەنگی، نەخۆشیەكانی دڵ، شێرپەنجە و كێشە لە سیستەمی وەچە خستەنەوە.

لەشکر حەمید، ئەندازیاری خۆراك لە پەڕەی فەرمی خۆی لە تۆڕی کۆمەڵایەتی فەیسبوک لەبارەی بەكارهێنانی تانكی پلاستیك هۆشداری دەدات و نوسیویەتی "ئەو تانكییە پلاستیكییانەی لە بازاڕ هەیە دەبێتە هۆی هەناسە تەنگی، نەخۆشیەكانی دڵ، شێرپەنجە و كێشە لە سیستەمی وەچە خستەنەوە".

ئاماژەی بۆ ئەوەشکردووە، بەشێكی زۆری ئەو تانكییە پلاستیكییانەی لە بازاڕ هەیە پێكهاتەكەی لە پۆلی ئەپیلین و بیپ فینۆڵ، چڕكراوی پۆلی ئەپیلین پێكدێت كە زیانی زۆری بۆ تەندروستی و جەستەی بەكارهێنەرانی ئاوەكەی دەبێت، كاتێك پلەی گەرمی بەرز دەبێتەوە لە 25 تێپەڕ دەكات كە لە هاویندا دەگاتە سەر و 45 پلە لە گەرمی ماددەكان دەست بەتوانەوە دەكەن و لەگەڵ ئاوەكە تێكەڵ دەبن و زیان بە تەندروستی مرۆڤ دەگەیەنن و دەشڵێت، هەروەها ئەوخەزانانەی ئاسن و ژەنگ دەكەن توشی داخوران دەبن و تێكەڵی ئاوەكە دەبن زیان بە تەندروستی مرۆڤ دەگەیەنێت بۆیە باشترین خەزان بۆ هەڵگرتنی ئاو خەزانی ستەین لێس ستیل-ە.

روونیشیکردووەتەوە، بیپ فینۆڵ سیستەمی كوێرە رژێنەكان تێكدەدات، وەك پەنكریاس و ئەدڕیناڵ كۆرتێكس، گونەكان و پایرۆید و پتیوتەری و هێلكەدان، هەروەها دەبێتە هۆی هەناسەتەنگی، نەخۆشیەكانی دڵ، شێرپەنجە، كێشە لە سیستەمی وەچە خستەنەوە.

ر. ر

Qaiwan
Qaiwan

زۆرترین خوێندنەوە

بیروڕا


News

رێنوسی تابلۆی ئۆتۆمبێلەكانی هاتوچۆی هەرێم هەڵەن

لەلایەن ئه‌رسه‌لان په‌رۆش


News

پارستنی ئاو وەکو ئەرکێکی بنەڕەتیی ژیان

لەلایەن د.مونیرە ئەبوبەکر


News

بۆ ناهێڵن عەرەبە ئاوارەکان بگەڕێنەوە؟

لەلایەن خەڵەف غەفور


News

نەرمین عوسمان؛ خەباتگێڕێکی کۆڵنەدەر

لەلایەن هیوا محەمەد