مەودا میدیا-

به‌ڕێوه‌به‌رایه‌تیی پۆلیسی پارێزگای هه‌ولێر ئاشکرایکرد له‌ نزیك هۆتێل شیراتۆنی شاری هه‌ولێر باوكێك ده‌ستڕێژی گولـلەی له‌ كوڕه‌كه‌ی كردووه‌، دواتر دەستگیرکراوە.

لە راگەیەندراوەکەی پۆلیسی هەولێردا هاتووە "به‌شی پۆلیسی فریاكه‌وتن، دوای ئاگاداركردنه‌وه‌یان كه‌وا له‌ شه‌قامی  30 مه‌تری نزیك هۆتێل شیراتۆن كێشه‌ له‌ نێوان باوك و كوڕێكدا دروستبووه‌ و له‌ ئه‌نجامدا باوكه‌كه‌ به‌ ده‌مانچه‌ كوڕه‌كه‌ی بریندار كردووە".

ئاماژە بەوەشکراوە "ده‌ستبه‌جێ هێزه‌كانی پۆلیس گه‌یشتنه‌ شوێنی مه‌به‌ست و تۆمه‌تباره‌ ته‌قه‌كه‌ره‌كه‌یان به‌ ناوی (ف. ل. ر) ده‌ستگیركرد، هه‌روه‌ها ده‌ستیش به‌سه‌ر ده‌مانچه‌یه‌ك و پێنج فیشه‌كی زیندوودا گیرا، رێكاری یاساییش به‌رانبه‌ری گیراوه‌ته‌به‌ر".

س.س