مەودا میدیا-

دەنكۆڵە رەشەكانی دەوری لووت و چەناگە لە دیارترین ئەو كێشانەن، كە تووشی ئەو كەسانەدێن، كە پێستیان چەورە، بەهۆی زۆری كۆبوونەوەی چەوری لەسەر پێست.

 چەندین رێگەی سروشتی هەن بۆ ئەوەی ئەو خاڵانە لابدرێن، كە زۆر كاریگەرن و وادەكەن پێویستتان بە چوونە لای سەنتەری جوانكاری نەبێت، گرنگترین ئەو رێگەیانەش بریتین لە:

رێگەی یەکەم: لیمۆ و سپیێنەی هێلكە 

پێكهاتەكان: كەمێك ئاوی لیمۆ + سپیێنەی یەك هێلكە.

  شێوازی بەكارهێنانی: پێكهاتەكان بەباشی تێكەڵ دەكرێن و  بۆ ماوەی 15 خولەك لەسەر رووخسار دەدەرێت و پاشان بە ئاو دەشۆرێتەوە، ئەم تێكەڵەیە هەفتانە سێ جار بەكاردێت.

رێگەی دووەم: بەكارهێنانی فڵچەی ددان بۆ لابردنی خاڵە رەشەكان:

پێویستیەكان: فڵچەیەكی كۆنی ددان شووشتن، كە سەرەكەی نەرم بووبێتەوە یان فڵچەیەكی نەرمی منداڵان.

رێگەی بەكارهێنانی: رووخساری تەڕ بە فڵچە نەرمەكە بە لەسەرخۆیی دەشۆرێ، رۆژانەش دەبێ ئەم رێگەیە دووبارە بكرێتەوە.

ریگەی سێیەم: باشترین رێگەش، كە لە دوای یەك بەكارهێنانەوە كێشەی خاڵی رەش كەمدەكاتە ئەمەیە:

 دارچین + هەنگوین + تەماتە

 پێكهاتەكان: یەك كەوچكی چا دارچینی هاڕاو + یەك كەوچكی زەڵاتە هەنگوین.

رێگەی بەكارهێنانی: گیراوەكە لەسەر رووخسار دادەنرێت و بە سەری پەنجە لە رووخسار دەخشێنرێ و چاوەرێ دەكرێ تاوەکو هەنگوینەكە چیتر دەستت ناگرێ، پاشان بە ئاوی شلەتێن دەشۆرێت.

 بەم رێگەیە خانە زیادەكانی رووخسار لێدەبنەوە و سەری كونەكان دەبنەوە و پاكدەبنەوە ،  پاشان رووخسار وشك دەكرێتەوە تەماتەیەک دەهێنین و لە ناوەڕاستیەوە قاشی دەكەین و لە پێستی رووخسار دەخشێندرێ، و دووبارە رووخسار دەشۆریتەوە، بەمەش لە كێشەی خاڵی رەش رزگارمان دەبێ.

ر. ر