مەودا میدیا-

زۆركەس حەز بە قاپ و كەوچكی تەختە دەكەن بۆ خواردن و پێیان وایە بەم شێوەیە بەتامترە ، بەڵام ئایا تەندروستە؟ 

لەشكر حەمید، ئەنازیاری خۆراك وەڵام داوەتەوە و دەڵێت، سروشتی تەختە بە شێوازێکە بە ئاسانی بەر داخوران دەکەوێت و کون و کەلەبەری تیادروست دەبێت و توانای هەڵمژینی ئاوی هەیە، لە کاتێکدا مرۆڤ قاپی تەختە بۆ خواردن و خواردنەوە بەکار دەهێنیت و پاککردنەوەی بە ئاو و پاککەرەوەکانی وەک زاهی بەردەوام شێدار ئەبێت و هەندێ جار پاککەرەوەکان لە خۆ دەگرێت هەڵدەمژێت، کون و کەلەبەرەکانش پاشماوەی خۆراک دەگرێتە خۆی.

ئاماژە بەوەش دەکات، هەموو ئەمانە هۆکارە بۆ گەشەی زیندەوەرۆچکەکان وەک بەکتریا و کەڕوەکان ئەمەش هۆکارە بۆ تووشبوون بە نەخۆشی، شێ و پلەی گەرمی گونجاو و پاشماوەی خۆراک ژینگەیەکی گونجاو دروست دەکات بۆ گەشەی زیندەوەرۆچکەکان دەبێتە هۆی دروست بوونی کەڕوو.

ئەوەشی خستووتەڕوو، وا باشترە  لە جیاتی ئەوە کەل وپەل و قاپی شوشە و  ستیل بەکاربهێنرێت.

ر. ر