مەودا میدیا-

ماڵپەڕی (lifehac) ی پزیشكی چەند سوودێكی خـواردنە توونەكان و بەتایبەتیش بـیـبـەری تـوونـی بڵاوكردووەتەوە, كە تووشی شۆكمان دەكەن و پاش خوێندنەوەشیان رەنگە ئیتر دەست لە خـواردنی بیبەری توون هـەلـَنـەگـریـن, ئەمانەش هەندێكن لە سوودەكانی بیبەری توون:

یەکەم: تەندروستیی دڵ دەپارێزێت، بەگوێرەی توێژینەوەكان دەركەوتووە كە ئەو كەسانەی رۆژانە بیبەری توون دەخۆن, كەمتر تووشی جەڵتەی دڵ دەبنەوە .

دووەم: وزەیەكی باش دەسوتێنێت، بەهۆی ئەوەی كە وادەكات لەشمان گەرم رابێ و ئارەق بكەینەوە, رێژەی ( 8% ) ی ووزەی لە شمان دەسوتێنێ‌ .

سێیەم: تەمەن درێژتر دەكات، توێژینەوە چینیەكان لەسەر بیبەری توون سەلماندوویانە كە ئەو كەسانەی رۆژانە و بە بەردەوامی بیبەری توون دەخۆن, ئەگەری مردنیان بەڕێژەی ( 14% ) كەمتر دەبێتەوە .

چوارەم: ئــازار كەم دەكاتەوە، بەهۆی كەمكردنەوەی هەندێك لە دەمار و هەستە راگەیاندنەكان بۆ مێشك, ئازار كەم دەكاتەوە و ناهێڵێت بگات بەمێشك .
پێنجەم: دڵ خۆشدەكات، بیبەری تووش هانی مێشك دەدات كە هۆڕمۆنی دڵخۆشی دەربكات و كەسەكە لەخەمۆكی و دڵەڕاوكێ‌ دووردەخاتەوە .

شەشەم: گەدە چالاكتر و بەهێز ەكات، توێژینەوە نوێیەكان سەلماندوویانە كە بیبەری توون رێگە لەدەردانی ترشە بەهێزەكان دەگرێ‌ و ناهێڵێ‌ تووشی برینداربوون و تێكچوونی گـەدە ببین .

حەوتەم: سوڕی خوێن چالاك دەكات، بیبەری توون دەبێتە هۆی تواندنەوەی چەوریە زیانبەخشەكانی ناو خوێن و هاتوچۆی خوێن چالاكتر دەكات .

هەشتەم: توانای سێكسی بەرز دەكاتە، بیبەری توون یەكێكە لەخۆراكە باشەكان بۆ لایەنی سێكسی و توانای سێكسی بەرز دەكاتەوە و هۆكارە بۆ گەیاندنی بڕێكی زیاتر و خێراتری خوێن بۆ ئەندامە سێكسیەكان .

نۆیەم: دژی شێرپەنجەیە، بیبەری توون ئەو خانە شێرپەنجەییانە لەناودەبات كە لەناو خوێندا دروست دەبن و زۆر بەسوودە بۆ رێگریكردن لەو نەخۆشیە كوشندەیە .

ر. ر