مەودا میدیا-

وەزارەتی بازرگانیی عیراق ئامادەکاری دەکات بۆ دابەشکردنی دووەم سەبەتی خۆراک بەسەر هاوڵاتییاندا و بۆ ئەم مانگە خۆراکی دیکە زیادکراوە بۆ سەبەتەکە.

ئەمڕۆ شەممە وەزارەتی بازرگانی عیراق لە بەیاننامەیەكدا رایگەیاند، بڕێكی زۆر لە مادەكانی بەشەخۆراك گەیشتووەتە كۆگاكان و ئامادەكاری دەكرێت بۆ دابەشكردنی وەك دووەم سەبەتەی بەشەخۆراكی مانگانە، هاوشێوەی مانگی پێشوو.

هاوکات محەمەد حەنون، بەڕێوەبەری گشتیی كۆمپانیای خۆراكی عیراق ئاماژەی بەوەکرد، کارمەندانی تایبەت بە بەڕێوەبەرایەتییەکەیان لە ئەرکدان بۆ وەرگرتن و كۆگاكردنی بەشەخۆراكی گەیشتوو لە بەندەرەكانەوە و وەرگرتنی نمونە بۆ پشكنین و دوای دەرچونی ئەنجامی پشکنینەکانیش راستەوخۆ دەست بەدابەشكردنی دەکرێت و بۆ ئەو مەبەستەش سەرجەم  بریکارەکان ئاگادار کراونەتەوە.

سەبەتەی خۆراكی مانگانە پێكهاتووە لە (برنج، شەكر، زەیت، فاسۆلیا، لەتكەنۆك و دۆشاوی تەماتە)  بەپێی زانیارییەکان بۆ ئەم مانگە (نیسكی هاڕاو)یش زیادكراوە.

ر. ر