تەندروستی
کۆتایی هاوینە، لەبەر شەش هۆکار فریای خواردنی شووتی بکەوە
مەودا میدیا - سلێمانی |
مەودا میدیا-
شووتی یەکێکە لە میوە هاوینەکان و لەلایەن هاوڵاتیانەوە لە هاویندا زۆرترین جار بەکاردەهێنێت، بەڵام زۆرێک لەوانەی کە رۆژانەش دەیخۆن بێئاگان لە سوودە سەرسوڕهێنەرەکانی.
شەش لە گرنگترین سوودەکانی شووتی:
بۆ دڵ و ئێسک:
مادەی لیکۆپن کە لەناو شوتیدا هەیە بۆ پاراستنی تەندروستی دڵ و خوێنبەرەکان بە بەسوودە، وێڕای ئەوەی کە هۆکارێکی گرنگیشە بۆ پاراستن و بەهێزکردنی ئێسکەکان.
بۆ دابەزاندنی چەوری جەستە:
هەر پەرداخێک لە ئاوی شوتی هەڵگری 250 میلیگرام سیترۆلینە، بە پێی توێژینەوەکان بەهۆی بوونی ئەو مادەیەوە، بەکارهێنانی ئاوی شوتی پێش چالاکییەکانی جەستە، لێدانی دڵ ڕێکدەخات.
بۆ گورچیلە:
خواردنی شوتی بە شێوازی سرووشتی میزکردن زیاد دەکات و بە پێچەوانەی کافایین و مادە کحولییەکان یارمەتیدەری پاراستنی گورچیلەکان دەبێت.
بۆ تەندرووستی چاو:
شووتی سەرچاوەیەکی دەوڵەمەندە بە بیتاکارۆتین کە لە جەستەدا دەبێتە ڤیتامین A و هەروەها بۆ پاراستنی چاو و ڕێگری لە نەخۆشییەکانی وەک شەوکوێری دەکات.
وزە دەدات بە جەستە:
شووتی هەروەها دەوڵەمەندە بە ڤیتامین B کە بۆ زیاترکردنی وزەی جەستە بەسوودە.
بۆ چارەسەرکردنی نەخۆشی رەبۆ بەسوودە:
ئەنتی ئۆکسیدانی نێو ئەم میوەیە تا ڕادەیەکی زۆر بۆ کەمکردنەوەی کاریگەرییەکانی نەخۆشی رەبۆ بەسوودە، هەروەها مەترسی نەخۆشییەکانی وەک شێرپەنجەی ڕیخۆڵە و پرۆستات بە خواردنی شووتی کەم دەبێتەوە.
ب.م
بیروڕا
