مەودا میدیا-

وەزارەتی پەروەردەی حکومەتی هەرێمی کوردستان سەبارەت دەستپێکی خوێندن لە خوێندنگەکان چەند رێکارێکی نوێی بۆ مامۆستایان و فەرمانبەرانی پەروەردەکان دەرکرد و رایگەیاند، ماسک بەستن بۆ ستافی کارگێڕی و مامۆستایان و فەرمانبەران و قوتابییان لە سەرجەم ناوەندەکانی خوێندن ناچارییە.

 

ئەمڕۆ دووشەممە  13ی ئەیلولی2021 وەزارەتی پەروەردەی حکومەتی هەرێمی کوردستان نوسراوێکی فەرمی بڵاوکردەوە کە تێیدا هەشت رێکاری نوێی خۆپارێزی ئاراستەی سەرجەم بەڕێوەبەرایەتییە گشتییەکانی پەروەردەکانی ( هەولێر، سلێمانی، دهۆک، هەڵەبجە، گەرمیان و کەرکوک- بەشی خوێندنی کوردی) کردووە و داوا دەکات وەکخۆیان جێبەجێ بکرێن.

 

لە یەکێک لە خاڵەکاندا ئاماژە بەوەکراوە "ماسک بەستن بۆ ستافی کارگێڕی و مامۆستایان و فەرمانبەران و قوتابییان لە سەرجەم ناوەندەکانی خوێندن ناچارییە و لە حاڵەتی هەر سەرپێچییەک دەسەڵات دەدرێتە  بەڕێوەبەری پەروەردەی قەزا بۆ گرتنەبەری رێکاری کارگێڕی پێویست".

ر. ر