مەودا میدیا-

ئەمڕۆ سێشەممە ساڵی نوێی خوێندن لە سەرجەم ناوەندەکانی سەر بە وەزارەتی پەروەردەی حکومەتی هەرێمی کوردستان دەستیپێکرد، دەبێت خوێندکاران و مامۆستایان و فەرمانبەران پابەندی رێنماییە تەندروستییەکان بن بە مەبەستی خۆپاراستنیان لە ڤایرۆسی کۆرۆنا.

ساڵی نوێی خوێندنی (2021 - 2022) ئەمڕۆ سێشەممە 14ی ئەیلولی 2021 لە هەرێمی کوردستان لە سەرجەم ناوەندەکانی سەر بە وەزارەتی پەروەردەی حکومەتی هەرێمی کوردستان دەستیپێکرد.

بەپێی ئامارێک بۆ خوێندنی ئەمساڵ زیاتر لە ملیۆنێک و 800 خوێندکار بەشداری پرۆسەی خوێندن دەکەن، هەروەها پێویستیشە مامۆستایان و خوێندکاران پابەندی رێنماییە تەندروستییەکانیان بن بە مەبەستی خۆپاراستنیان لە ڤایرۆسی کۆرۆنا.

س.س