مەودا میدیا-

هێزی پێشمه‌رگه‌ی كوردستان و سوپای عیراق دوو لیوای هاوبەش پێکدەهێنن و لە شاری کەرکوک و قەزای خورماتوو جێگر دەکرێن، بە مەبەستی پاراستنی زیاتری ئەو ناوچانە.

بەپێی زانیارییەکانی مەودا میدیا، بڕیارە لە نزیکترین کاتدا هێزی پێشمه‌رگه‌ی كوردستان و سوپای عیراق دوو لیوای هاوبەش پێکبهێن و لە شاری کەرکوک و قەزای خورماتوو جێگر بکرێن، ئەو سەنگەرانەی وا بڕیارە بەهاوبەش لە لایان هێزەکانی پێشمەرگە و سوپای عیراقەوە بپارێزرێت ئەم ناوچانەن:

- ناحیەی سەرگەران 
- ناحیەی شوان 
- سنووری ناحیەی لەیلان
- سنووری قەزای داقوق
- سنووری قەزای خورماتوو
- سنووری ناحیەی دوبز
- سنووری ناحیەی قەرەهنجیر

هەر بەپێی زانیارییەکانی مەودا میدیا، سەرجەم ئەو شوێنانە بە ھاوبەشی بە رێژەی لە 50% بە 50% لەلایەن هێزی پێشمەرگە و سوپای عیراقەوە بەڕێوەدەبرێن.

س.س