مەودا میدیا-

ئاسایشى رۆژئاواى سلێمانى دەستگیرکردنى تۆمەتبارێکى راگەیاند، بەتۆمەتى هەڵکەندنى نەمام لەیەکێک لە گەڕەکەکانى چەمچەماڵ.  

ئەمڕۆ یەکشەممە ئاسایشی رۆژئاوای سلێمانی رایگەیاند "شارەوانی چەمچەماڵ لەپێناو سەوزکردنی قەزای چەمچەماڵ و ژینگەیەکی تەندروستدا چەند نەمامێکی لەگەڕەکی راپەڕینی قەزای چەمچەماڵ نزیک بانکی چەمچەماڵ چاند، بەڵام نەمامەکان شەوی (14لەسەر 15/ 9 /2021)  لەلایەن دوو کەسەوە هەڵکەندرابوون و دزراون".  

  

ئاماژەی بەوەشکردووە، پاش بەدواداچون و کۆکردنەوەی زانیاری کەسێک بەناوی( أ ، أ ، ر ) دانیشتوی قەزای چەمچەماڵ دەستگیرکرا کە لەگەڵ کەسێکی دیکە  دانیشتوی قەزای چەمچەماڵە تاوانەکەیان ئەنجامداوە، بەڵام لەئێستادا هەڵهاتووە و شوێنەکەی نادیارە.  

ئەوەشی خستووتەڕوو، تۆمەتبارەکان بەفەرمانی دادوەری دادگەی لێکۆینەوەی چەمچەماڵ بەپێی ماددەی (441) بڕگە (11)  فەرمانی دەستگیرکردنیان هەبووە، ئەمڕۆ یەکێکیان دەستگیر کراوە.

ر. ر