مەودا میدیا-

شەش یاسا و رێنمایی لە هەرێمى کوردستان چووە بوارى جێبەجێکردنەوە، لەناویاندا ھەمواری یاسای بەخاوەنکردنی ئەو زەوییانەی کە لە سنوری شارەوانییەکان و زیادەڕۆییان لەسەر کراوە، ئەوەش دواى بڵاوکردنەوەیان لەرۆژنامەى فەرمى وەقائیع.  

  

ئەمڕۆ یەکشەممە  وەزارەتی دادی حکومەتی ھەرێمی کوردستان ژمارەیەکی نوێی رۆژنامەى فەرمى وەقائیعی کوردستانی بڵاوکردەوە، ئەو یاسا و رێنماییانەی لە رۆژنامەى وەقائیع بڵاودەکرێنەوە راستەوخۆ لەلایەن وەزارەتە پەیوەندیدارەکان دەچنەبواری جێبەجێکردنەوە.

  

  

یاسای ژمارە 7ـی ساڵی 2021، یاسای ھەمواری یەکەمی یاسای ژمارە 3ـی ساڵی 2019، یاسای بەخاوەنکردنی ئەو زەوییانەی کە لەسنوری شارەوانییەکان، زێدەڕۆییان لەسەر کراوە لە ھەرێمی کوردستان – عیراق.  

  

یاسای ژمارە 9ـی ساڵی 2021 یاسای بەرکارکردن و ھەمواری پیادەکردنی یاسای رەسمی پولی ئیتیحادی، ژمارە 71ـی ساڵی 2012 لە ھەرێمی کوردستان – عیراق.  

  

یاسای ژمارە 10ـی ساڵی 2021، یاسای بەرکارکردن و ھەمواری پیادەکردنی یاسای وەبەرھێنانی پیشەسازی ھەردوو کەرتی تایبەت و تێکەڵاوی عیراقی ژمارە 20ـی ساڵی 1998ـی ھەموارکراو لە ھەرێمی کوردستانی – عیراق.  

  

رێنمایی ژمارە 7ـی ساڵی 2021ـی وەزارەتی ناوخۆ، رێنمایی مەرجەکانی سەلامەتی و تۆمارکردنی ئۆتۆمبێل و ماتۆڕسکێلی ھاوردەکراو.  

  

رێنمایی ژمارە 5ـی ساڵی 2021ـی وەزارەتی کار و کاروباری کۆمەڵایەتی، تایبەت بە کارمەندانی ھێزی جێبەجێکردن سەر بە بەڕێوەبەرایەتیی گشتیی چاکسازی کۆمەڵایەتی ھەرێمی کوردستان – عیراق.  

  

بەیانی ژمارە(29-30)ـی ساڵی 2021ـی وەزارەتی ناوخۆ.  

ر. ر