مەودا میدیا-

بەڕێوەبەرایەتیی هاتوچۆی دەربەندیخان رایگەیاند، لە رووداوێکی هاتوچۆدا لەسەر رێگەی دەربەندیخان- کەلار شەش کەس برینداربوون.

ئەمڕۆ یەکشەممە بەڕێوەبەرایەتیی هاتوچۆی دەربەندیخان رایگەیاند، ئێوارەی ئەمڕۆ لەسەر رێگەی دەربەندیحان- کەلار رووداوێکی هاتوچۆ لە نێوان ئۆتۆمبێلی جۆری مارسیدس قەمەرە لەگەڵ پیکاب نیسان تاکدا روویدا و لە ئەنجامدا شەش کەس برینداربوون و یەکێک لە بریندارەکان رەوانەی نەخۆشخانەی فریاکەوتنی سلێمانی کرا .

رووداوەکانی هاتوچۆ بەردەوام روو لە زیادبوونە و شارەزایانی بواری هاتوچۆش هۆکارەکەی بۆ تیژڕەوەی شۆفێران و پابەند نەبوونیان بە رێنماییەکانی هاتوچۆ و خراپی رێگەوبانەکان دەگێڕنەوە.

ر. ر