مەودا میدیا-

بڕیارە ئەمڕۆ دووشەممە بە ئامادەبوونی سەرۆکی حکومەتی هەرێمی کوردستان لە رێوڕەسمێکدا ئیدارەی سەربەخۆی زاخۆ  رابگەیەندرێت، بەم بڕیارەش زاخۆ دەبێتە چوارەم ئیدارەی سەربەخۆی هەرێمی کوردستان.

ئەمڕۆ دووشەممە 20ی ئەیلولی 2021 بە ئامادەبوونی مەسرور بارزانی، سەرۆکی حکومەتی هەرێمی کوردستان لە رێوڕەسمێکدا ئیدارەی سەربەخۆی زاخۆ  رادەگەیەندرێت.

ئەمەش دوای ئەوە دێت لە رۆژی 28ی تەمووزی 2021 سەرۆکی حکومەتی هەرێمی کوردستان نووسراوێکی واژۆکرد بۆ ئەوەی هەنگاوەکانی دروستکردنی ئیداره‌ی سه‌ربه‌خۆی سۆران و زاخۆ بچنەبواری جێبەجێ کردنەوە، رۆژی 14ی ئەیلولی 2021یش سەرۆکی حکومەتی هەرێمی کوردستان ئیدارەی سەربەخۆی سۆرانی راگەیاند کە قه‌زاكانی بریتین له‌ (سۆران، ر‌واندز، مێرگه‌سۆر و چۆمان) به‌یه‌كه‌وه‌ ده‌بنه‌ ئیداره‌یه‌كی سه‌ربه‌خۆ.

س.س