مەودا میدیا-

بە هۆی کەمبوونەی بڕەکانیان لە بازاڕ و بەرزبوونەوەی نرخەکانیان وەزارەتی کوشتوکاڵ و سەرچاوەکانی ئاوی هەرێمی کوردستان بڕیاریدا باج لە سەر هاوردەکردنی پێنج بەرهەمی کستوکاڵی هەڵبگرن.

ئەمڕۆ سێشەممە 21ی ئەیلولی 2021  بێگەر تاڵەبانی, وەزیری کشتوکاڵ و سەرچاوەکانی ئاوی حکومەتی هەرێمی کوردستان رایگەیاند "لەپێناو چاودێری وکۆنترۆڵکردنی نرخ و بەرژەوەندی گشتیی هاوڵاتییان و خاوەن کارەکان بڕیارماندا بە هەڵگرتنی باج لەسەر هاوردەکردنی بەرهەمەکانی (خەیار، تەماتە، باینجان، بامیە و بیبەر)".

ئەوەشی خستووتەڕوو "دوای بەدواداچوونیان بە هۆی کەمبوونەوە و بەرزبوونەوەی نرخی ئەو بەرهەمانە، بڕیاریان داوە بەمەبەستی کۆنترۆڵکردنی نرخەکانیان لەسەرەتای مانگی داهاتووەوە باج لە سەر هاوردەکردنیان هەڵبگیرێت، وتیشی، وێنەیەکی بڕیارەکەیان ئاراستەی وەزارەتی دارایی و بەڕێوەبەرایەتی گشتیی گومرک کردووە".

ئەوە لەکاتێکدایە ساڵانە و لەگەڵ پێگەیشتنی بەرهەمی کشتوکاڵی ناوخۆ، باج دەخرێتە سەر ئەو بەرهەمانە، یان هاوردەکردنی بەشێکیان قەدەغە دەکرێت، ئەمەش لە پێناو پاڵپشتی کردنی بەروبومی ناوخۆ و ساغکردنەوەیان.

ر. ر