مەودا میدیا-

وەزیری تەندروستی حکومەتی هەرێمی کوردستان رایگەیاند، بەشێکی زۆر لە مامۆستایان ناویان بۆ ڤاكسین وەرگرتن تۆماركردووە، بەڵام سەردانی بنكەكانیان نەكردووە، داوا دەكات ڤاكسین وەربگرن، دەشڵێت "ھەفتانە 100 ھەزار ژەمە ڤاكسین دەگاتە ھەرێمی كوردستان".

ئەمڕۆ پێنجشەممە سامان بەرزنجی، وەزیری تەندروستیی حکومەتی هەرێمی کوردستان لە کۆنگرەیەکی رۆژنامەوانیدا رایگەیاند "هەنگاوى باشمان ناوە لە پێدانى ڤاکسین بە هاوڵاتییان، لە ئێستاشدا دوو هێندەى هەفتەکانى رابردوو ڤاکسین دەگاتە هەرێم کە بڕەکەى (100) هەزار ژەمى هەفتانەیە، تائێستا (20%)ى ئەو کەسانەى تەمەنیان لەسەروى (18) ساڵەوەیە ژەمى یەکەمیان وەرگرتووە و (13%)یشیان هەردوو ژەمەکەیان وەرگرتووە".

 

ئاماژەی بەوەشکرد، دەمانەوێت زیاتر لە سێ ملیۆن و (250) هەزار هاوڵاتى هەردوو ژەمەکە وەربگرن و بەرگرى گشتى دژى ڤایرۆسەکە دروست ببێت.

 

وەزیری تەندروستی حکومەتی هەرێمی کوردستان ئەوەشی خستەڕوو، بەشێکی زۆر لە مامۆستایان ناویان بۆ ڤاكسین وەرگرتن تۆماركردووە، بەڵام سەردانی بنكەكانیان نەكردووە، داوا دەكات ڤاكسین وەربگرن.

ر. ر