مەودا میدیا-

وەزارەتی دارایی و ئابووری حکومەتی هەرێمی کوردستان روونکردنەوەیەکی بڵاوکردەوە لەبارەی بڵاوبوونەوەی چەند دەنگۆیەک سەبارەت بەوەی وەزیری دارایی باری تەندروستی باش نییە.

لە رووونکردنەوەکەدا هاتووە "ماوەی چەند ڕۆژێکە چەندین ئەکاونت و پەیچی ماسکدار بەشێوەیەکی ڕێکخراو دەنگۆی ئەوە بڵاودەکەنەوە کە گوایە ئاوات جەناب نوری، وەزیری دارایی و ئابووری باری تەندروستی تێکچووە و رەوانەی نەخۆشخانە کراوە".

ئاماژە بەوەشکراوە "بۆ هەموو لایەک ئاشکرای دەکەین وەزیری دارایی و ئابووری  ته‌ندروستی زۆر باشه‌ و  سەرقاڵی بەڕێوەبردنی کاروبارەکانی وەزارەتە، هەربۆیە هەموو ئەو دەنگۆیانە رەتدەکەینەوە".

س.س