مەودا میدیا-

رێکخراوی تیرۆریستی داعش لە راگەیەندراوێکدا بەرپرسیارێتی خۆی لە كرده‌وه‌ تیرۆریستییه‌كه‌ی دوو شەوی رابردووی سه‌ر رێگه‌ی كه‌لار – كفری راگەیاند، کە دوو هاوڵاتیی تیادا شەهیدبوون و چەند کەسێکی دیکەش برینداربوون.

لە راگەیەندراوێکدا رێکخراوی تیرۆریستی داعش  به‌رپرسیارێتی  خۆی لەو کردەوە تیرۆریستییه‌ی راگەیاند كه‌ شه‌وی 21ی ئه‌م مانگه‌ كردیانه‌ سه‌ر ژماره‌یه‌ك هاوڵاتی له‌سه‌ر رێگه‌ی سه‌ره‌كی كه‌لار – كفری، لە ئەنجامدا دوو هاوڵاتی به‌ ناوه‌كان "جێگر خه‌لیفه‌ و یوسف ئیحسان" شه‌هیدبوون.

هەروەها لە راگەیەندراوەکەدا چەکدارانی داعش ئاماژەیان بەوە داوە لە رێگەی دانانی بازگه‌ی وه‌همی هاوڵاتییانیان له‌ سه‌ر رێگه‌كه‌ راگرتووە و داوای ناسنامه‌یان لێكردوون.

س،س