مەودا میدیا-

بەڕێوەبەرایەتیی پۆلیسی هەولێر کەسێکی بەتۆمەتی دزیکردن لە مزگەوتێکی تەوانەکراو دەستگیرکردووە.

ئەمڕۆ شەممە 25ی ئەیلول 2021 هۆگر عەزیز، وتەبێژی بەڕێوەبەرایەتیی پۆلیسی هەولێر رایگەیاند "بەشی پۆلیسی قەزای دەشتی هەولێر بنکەی پۆلیسی شاوێس، تۆمەتبارێکیان بە ناوی (م، ر، م) قۆڵبەست کرد، کە لە مزگەوتێکی هەیکەل لە کۆمەڵگای شاوێس دزیکردبوو".

ئەوەشی خستووتەڕوو "ئەو تۆمەتبارە لە ناو مزگەوتێکدا کە تەواو نەکرابوو کەلوپەلی کارەبایی دزیبوو، لە ئێستاشدا بە بڕیاری دادوەر بەپێی ماددەی 444 لە یاسای سزادانی عیراقی راگیراوە".

ر. ر