مەودا میدیا-

ئه‌نجومه‌نی دادوه‌ری هه‌رێمی كوردستان روونکردنەوەیەکی بڵاوکردەوە لەبارەی تۆمەت دانە پاڵ چەند دادوەرێک لە دادگاکانی کەتن و به‌رایی و پێداچوونه‌وه‌  لەلایەن پارێزەرێکەوە.

ئەمڕۆ یەکشەممە 26ی ئەیلولی 2021 ئەنجومەنی دادوەری هەرێمی کوردستان روونکردنەوەیەکی بڵاوکردەوە و رایگەیاند "دوای ئه‌وه‌ی پارێزه‌رێك به‌ناوی (جه‌واد خۆشناو) له‌ ئه‌كاونته‌كه‌ی خۆی له‌ تۆڕی كۆمه‌ڵایه‌تیی فه‌یسبووك نووسینێكی بڵاوکرده‌وه‌ كه‌ تێیدا تۆمه‌ت ده‌خاته‌ پاڵ ژماره‌یه‌ك دادوه‌ر له‌ دادگاكانی كه‌تن، به‌رایی و پێداچوونه‌وه‌، ئێمه‌ وه‌ك ئه‌نجومه‌نی دادوه‌ری و سه‌رۆكایه‌تیی دادگای پێداچوونه‌وه‌ی هه‌رێمی كوردستان راده‌گه‌یه‌نین به‌دواداچوونی ورد ده‌كه‌ین".

ئاماژە بەوەشکراوە  "له‌ په‌یوه‌ندیداین له‌گه‌ڵ سه‌ندیكای پارێزه‌رانه‌وه‌ بۆ وه‌رگرتنی ئه‌و به‌ڵگه‌نامانه‌ی كه‌ پارێزه‌ری ناوبراو باسی كردووه‌، ئه‌ویش به‌ مه‌به‌ستی به‌داوداچوون له‌سه‌ریان، دوای ته‌واو بوونی رێكاره‌كانیش، ئه‌نجامه‌كان بۆ رای گشتی بڵاو ده‌كه‌ینه‌وه‌".

س.س