مەودا میدیا-

بەڕێوەبەرایەتیی پۆلیسی هەولێر رایگەیاند، دوو تۆمەتباریان بە تۆمەتی بەکارهێنانی مادەی هۆشبەر دەستگیرکردووە، دەستیش گیراوە بەسەر ئۆتۆمبێلێک و بڕێک مادەی هۆشبەریشدا.

لە راگەیەندراوێکدا بەڕێوەبەرایەتیی پۆلیسی هەولێر ئاماژەی بەوەکرد "بەشی پۆلیسی فریاکەوتنی هەولێر، لە گۆڕستانی شێخ ئەحمەد، دوو تۆمەتباریان بە ناوەکانی (ف. ل. ع) و (ع. ن. ع) بە تۆمەتی بەکارهێنانی مادەی هۆشبەر و مادە کحولییەکان دەستگیرکرد".

ئەوەشی خستووەتەڕوو "لە کاتی دەستگیرکردنیاندا دەست بەسەر بڕێک مادەی هۆشبەر و ئۆتۆمبێلێکی جۆری (BMW) بێ تابلۆدا گیرا، بە مەبەستی گرتنەبەری رێکاری یاسایی، رادەستی نووسینگەی نەهێشتنی تاوانی رۆژهەڵات کران".

ر. ر