مەودا میدیا-

وەزارەتی کارەبای حکومەتی هەرێمی کوردستان رایدەگەیەنێت بۆ ماوەی پێنج رۆژ کارەبای بەردەوام دەدرێت بە سەرجەم هاونیشتمانیان و بنکەکانی دەنگدان و ئۆفیسەکانی کۆمسیۆن.

لە راگەیەندراوەکەدا هاتووە "وەزارەتی كارەبا لەپێناو سەرخستنی پرۆسەی هەڵبژاردن و دابینكردنی كارەبای بەردەوام بۆ هاونیشتمانیان و بنكەكانی دەنگدان و ئۆفیسەكانی كۆمسیۆن؛ تەواویی  تواناكانی دەخاتەگەڕ بۆ دابینكردنی كارەبایەكی بەردەوام لە ڕۆژی هەینی (2021/10/8) تا رۆژی دووشەممە (2021/10/12)".

ئاماژە بەوەشکراوە "هاوكات لەپێناو نەبچرانی كارەبا و سەلامەتیی كارمەندانی كارەبا كاركردن لە پرۆژەی بەستنی پێوەری زیرەك لەو ماوەیەدا رادەگیرێت".

س،ر