مەودا میدیا-

رابەری رەوتی سەدر پەیامی شۆڕشی چاکسازی بڵاودەکاتەوە و 18 خاڵی لەبارەی خۆپێشاندانەکانەوەو نووسیوە داوا لە کڵاوشینەکان کرد لە گۆڕەپانەکان بکێشنەوە و پاراستنی خۆپێشاندەران رادەستی هێزە ئەمنییەکان بکەن و داوایشی لە خۆپێشاندەران کرد دەست لە کاروباری سیاسی وەرنەدەن.

موقتەدا سەدر، رابەری رەوتی سەدر لە لەپەڕەی تایبەتی خۆی توویتەری  18 خاڵی وەک پەیمانی شۆڕشی چاکسازی راگەیاند کە بریتین لە: 

یەکەم: بەردەوامبوونی خۆپێشاندانی ئاشتیانە،کە ئەمەش بەو واتایە دێت کە:

ا- هیچ کەسێک ناچار بە خۆپێشاندان نەکرێت.

ب- رێگە نەگیردرێت و زیان بە ژیانی گشتی نەگەیێنرێت.

پ- رێگری لەدەوامی سەرجەم قوتابخانەکان نەکرێت، نابێت کەس ناچار بە دەوامیش بکرێت.

ت- پەلاماری موڵک و ماڵی گشتی و تایبەت، وێنە و بارەگاکان نەدرێت.

ج- گۆڕەپانەکانی خۆپێشاندەران خاڵی بکرێنەوە لە شووشە بتڵی ئاگرین و دار و رادەستکردنەوەیان بەهێزە ئەمنییەکان.

دووەم: دەبێت بەڕێوەبردنی خۆپێشاندانەکان ناوخۆیی بێت، بەشێوەیەک نابێت دەرەوە بەڕێوەی ببات.

سێیەم:  خۆپێشاندانەکان بە لایەنی ناوخۆیی یاخود دەرەکی و حزبی بە سیاسی نەکرێن.

چوارەم: راگەیاندنی بێبەریبوون لە کەسانی ئاژاوەگێڕ و دزەپێکراوان.

پێنجەم: داواکاریی خۆپێشاندەران لە هەموو عیراقدا یەکبخێت و داواکارییەکان بنووسرێنەوە.

شەشەم: لیژنەیەک لە خۆپێشاندەران پێکبهێنرێت بۆ داواکردنی ئازادکردنی خۆپێشاندەران و لێکۆڵینەوە لە کوشتنی  خۆپێشاندەران بکرێت.

حەوتەم: کاربکرێت بۆ دانانی گوتەبێژی خۆپێشاندەران.

هەشتەم: پەلاماری هێزە ئەمنییەکان و پۆلیسی هاتووچۆ نەدرێت.

نۆیەم: رەچاوکردنی بنەما شەرعی و کۆمەڵایەتییەکانی وڵات، تێکەڵنەبوونی هەردوو رەگەزەکە (نێر و مێ) ، شوێنەکانی خۆپێشاندان لە مەی، ماددەی هۆشبەر و هاوشێوەکانیان پاکبکرێنەوە.

دەیەم: کڵاوشینەکان بکشێنەوە، خۆپێشاندەرانی ئاشتییانە بپارێزرێن و خێمەکان رادەستی هێزە ئەمنییەکان بکرێن.

یازدەم: دیاریکردنی شوێنی خۆپێشاندان و گردبوونەوەکان.

دوازدە: پابەندبوون بە رێنماییەکانی مەرجەعییەت و سەرکردایەتیی نیشتمانی.

سێزدە: دەرکردنی هەموو ئەوانەی فیتنەی ناوخۆیی و تائیفی دروستدەکەن.

چواردە: رۆژی هەینی رۆژی خۆپێشاندانی گەورەیە. جگە لە عیراق نابێت هیچ دوورشمێکی دیکەی دابەشکاری هەبێت.

پازدە: لێکۆڵینەوە لە رووداوەکانی وەسبە، مەزارگەی حەکیم، گۆڕەپانی سەدرەین، کۆمەڵکوژیی ناسرییە و رووداوەکانی هاوشێوە لە هەموو پارێزگاکان بکرێت.

شازدە: خۆپێشاندەران دەست لە کاروباری سیاسیی لاوەکیی وەک دامەزراندن و سەپاندنی هەندێک سیاسەتدا نەکەن.

حەڤدە: شۆڕشگێڕان بە پێکهێانی حکومەتی کاتی تێکەڵ نەکرێن.

هەژدە: گرنگی بە گردبوونەوەی قوتابیانی زانکۆ بدرێت کە سەرکەوتنی چاکسازیی تێدایە. نابێت ‌هێرشی بکرێتە سەریان وهەراسان بکرێن. بەردەوامی بەوە بدرێت بوون هەڵبژاردنی پێشوەخت دەکرێت.