مەودا میدیا-

کۆمسیۆنی باڵای هەڵبژاردنەکانی عیراق رێژەی بەشداری لەدەنگدانی تایبەت تا ئەم ساتەی سەرجەم شارەکانی بڵاوکردەوە و بە پێی ئەو خشتەیەش بێت، رێژەی بەشداریی دەنگدانی تایبەت لە پارێزگای سلێمانی تا ئێستا 37% بووە، لە پارێزگای هەولێریش 34% بووە و دهۆکیش 32%بووە و هەرچی پارێزگای کەرکوکیکشەوە 33%یە.

ئەمڕۆ هەینی دەنگدانی تایبەت لە سەرجەم عیراق بەڕێوە چوو، کۆمسیۆنی باڵای هەڵبژاردنەکانی عیراق خشتەیەکی بڵاوکردەوە کە تێیدا رێژەی بەشداری لەدەنگدانی تایبەت تا ئەم ساتەی سەرجەم شارەکانی بڵاوکردەوە و بە پێی ئەو خشتەیەش بێت، رێژەی بەشداریی دەنگدانی تایبەت لە پارێزگای سلێمانی تا ئێستا 37% بووە، لە پارێزگای هەولێریش 34% بووە و دهۆکیش 32%بووە و هەرچی پارێزگای کەرکوکیکشەوە 33%یە.

ئەمڕۆ رۆژی هەینی بەرواری 8ی ئۆکتۆبەری 2021 لە سەرتاسەری عیراق پرۆسەی دەنگدانی تایبەت بۆ هەڵبژاردنی پەرلەمانی عیراق بەڕێوەدەچێت.

لە دەنگدانی تایبەتدا زیاتر لە ملیۆنێک و 550 هەزار کەس بەشداری دەکەن کە ئەوانە لە کارمەندانی هێزە ئەمنییەکان و ئاوارەی ناو کەمپەکان و نەخۆشەکانی ناو نەخۆشخانەکانن.

بۆ پاراستنی سەلامەتی بەڕێوەچوونی پرۆسەکە حکومەتی عیراق نزیکەی 250 هەزار لە کارمەندانی هێزە ئەمنییەکانی خستووەتە حاڵەتی ئامادەباشییەوە.

لە رۆژی دەنگدانی تایبەت و دەنگدانی گشتییشدا هاتوچۆی نێوان پاریزگاکان قەدەغە دەکرێت بەڵام هاتوچۆی ناوخۆیی ناو لەناو پارێزگاکاندا بەشێوەیەکی ئاسایی بەڕێوەدەچێت.

بردنە ژورەوەی ئامێرەکانی پەیوەندی و کامێرا بۆ ناو وێستگەکانی دەنگدان بەهەموو شێوەیەک قەدەغەیە، لە دەنگداندا کارتی زیرەکی بایۆمەتری بەکاردەهێنرێت و دەنگەکانیش بە شێوەی ئەلیکترۆنی جیادەکرێنەوە.

پرۆسەی دەنگدان لە کاتژمێر حەوتی بەیانییەوە دەستیپێکردووە و بڕیارە تا کاتژمێر شەشی ئێوارە بەردەوام بێت.

ر. ر