مەودا میدیا-

بەڕێوەبەرایەتیی گشتیی دژەتیرۆری هەرێمی کوردستان رایگەیاند، بەهۆی رووبەڕبوونەوە لەگەڵ تیرۆر بۆ پارێزگاریکردن لە کەرکوکی قودسی کوردستان کارمەندێکیان دوای برینداربوونی، شەهیدبووە.

ئەمڕۆ شەممە نۆی تشرینی یەکەمی 2021 بەڕێوەبەرایەتیی گشتیی دژەتیرۆری هەرێمی کوردستان لە پرسەنامەیەکدا رایگەیاند "بەدڵێکی پڕ لە خەمناکەوە رایدەگەیەنین بەرەبەیانی ئەمڕۆ هاوڕێ و هاوسەنگەرمان (رێکەوت محەمەد هیاس) کەلەشەڕی رووبەڕووبوونەوەی تیرۆر بۆ پارێزگاریکردن لە کەرکوکی قودسی کوردستان بریندار بوو گەشتە کاروانی شەهیدانمان".

لە راگەیەندراوەکەدا ئەوەشخراوەتەڕوو "بەناوی بەڕێوەبەرایەتیی گشتیی و سەرجەم کارمەند و هێزەکانی (دژەتیرۆر)ەوە، پرسەو سەرەخۆشی لە خانەوادە و خۆمان و هاوڕێ و هاوسەنگەرەکانی دەکەین، لە خودای گەورە داواکارین ئەمە دواین ناخۆشی خانەوادە و هاوسەنگەرانی بێت".

ر. ر