مەودا میدیا-

سەرۆكی كۆمسیۆنی باڵای سەربەخۆی هەڵبژاردنەكانی عیراق رایدەگەیەنێت هەموو ئامادەكارییەك بۆ سەرخستنی پرۆسەی هەڵبژاردن کراوە، ئاماژەی بەوەشکرد چاوەڕوان دەكەن پرۆسەكە بە سەركەوتووی و بێ كێشە و گرفتی قورس بەڕێوەبچێت.    

جەلیل عەدنان، سەرۆكی كۆمسیۆنی باڵای سەربەخۆی هەڵبژاردنەكانی عیراق لە كۆنفرانسێكی رۆژنامەوانیدا رایگەیاند "لەپێناو سەرخستنی پرۆسەی دەنگدانی گشتی هەڵبژاردنی ئەنجومەنی نوێنەرانی عیراق  سەرجەم رێكار و ئامادەكارییە پێویستەكان کراوە".

ئاماژەی بەوەشکرد "چاوەڕوان دەكەین پرۆسەكە بە سەركەوتووی و بێ كێشە و گرفتی قورس بەڕێوەبچێت، داواش لە هاوڵاتییانی عیراق دەکەین بە ئەو پەڕی گڕوتینەوە بەشداری پرۆسەی دەنگدانەكە بكەن".

جێگای ئاماژەیە، دوێنێ هەینی 8ی تشرینی یەکەمی 2021 دەنگدانی تایبەت بەڕێوەچوو، هەروەها بڕیارە سبەینێ یەکشەممە 10ی تشرینی یەکەمی 2021 دەنگدانی گشتی لە سەرجەم پارێزگاکانی عیراق و هەرێمی کوردستان بەڕێوەبچێت.

س،ر