مەودا میدیا-

ئیدارەی فڕۆكەخانەی نێودەوڵەتیی كەركوك لە بەیاننامەیەکدا هەلی دامەزراندن بۆ هەردوو رەگەز لە چوارچێوەی كادری كاركردن لە فڕۆكەخانەكە راگەیاند و دامەزراندیش تەنها بۆ دانیشتووانی خەڵکی کەرکوکە.

بەپێی بەیاننامەیەك كە ئەمڕ‌و دووشەممە 25ی تشرینی یەکەمی 2021 لەلایەن ئیدارەی فڕۆكەخانەی نێودەوڵەتیی كەركوكەوە بڵاوكرایەوە، دامەزراندن تەنها بۆ خەڵكی پارێزگای كەركوك دەبێت و بە پلەی وەزیفی و بەپێی پسپۆڕییە جیاكیان كە ئەمانە دەگرێتەوە:

1-ئەندازیاریی مەدەنی.

2-ئەندازیاریی میكانیك.
3-ئەندازیاریی كارەبا.
4-ئەندازیاریی تەكنیكی ساركەرە و فێنككردن.
5-ئەندازیاریی زانستی كۆمپیوتەر.
6-بەڕێوەبردن و كارگێڕی (بە هەموو لقەكانییەوە).
7-زمانە بیانییەكان.
8-تەكنیكییەكان (بە هەموو پسپۆڕییەكان).
9-شۆفێری بارهەڵگر.
10-كرێكاریی كارگوزار.

مەرجەكان:
1-ئەوانەی داواكاریی پێشكەش دەكەن دەبێت تەنیا لە دانیشتووی كەركوك بن.
2-دەبێت شارەزاییەكی ئاستبەرزی هەبێت لە بواری پسپۆڕییەكەیدا.
3-دەبێت پێشكەشكار لانی كەم بڕوانامەی ئامادەیی هەبێت.
4-دەبێت تەمەنی لە 30 ساڵ زیاتر نەبێت.

ئیدارەی فڕۆكەخانەی نێودەوڵەتی كەركوك ئاماژەی بە تاوتوێكردنی سیڤی پێشكەشكاران دەكات لەلایەن لیژنەیەكی تەكنیكی شارەزا لە كۆمپانیای كارپێكردنی فڕۆكەخانەی نێودەوڵەتی كەركوك و دیوانی پارێزگای كەركوك، داواشكراوە هەركەس لەخۆی رادەبینێت، سی ڤی بۆ ئەم ئیمەیڵە رەوانە بكات، هەروەها داواكارییەكان تا 29ی تشرینی یەكەمی 2021 وەردەگیرێن.

خوازیاران دەتوانن سیڤی بۆ ئەم ئیمیڵە بنێرن

[email protected]

س،ر