مەودا میدیا-

تەیمور کە یەکێکە لە تاقانەکانی ئەنفال رایدەگەیەنێت، دوای ئەوەی هەستیکردووە ژەهرخوارد کراوە، پشکنینی ئەنجامداوە و پشکنینەکەی پۆزەتیڤە.

لە بارەی ژەهرخوارکردنەکەیەوە تەیموری ئەنفال دەڵێت "بەداخەوە بە ئامانجکراوین و سەردانی دکتۆرم کردووە، و پشکنینی ژەرهریان بۆ ئەنجامداوم،  دەرکەوت پشکنینەکەم پۆزەتیڤە و ژەهرخوارد کراوم ، بەو هۆیەشەوە زۆربەی دانەکانم شکاون تا ئێستاش کاریگەری ئەو ژەهرە بەجەستمەوە دیارە و دۆخی تەندروستیم باش نییە".

"رۆژ لە دوای رۆژ دۆخی تەندروستیم خراپتر دەبێت ، زۆربەی جاریش کە شتێک دەخۆم لەگەڵیدا لەتێک لە دانەکانم دەشکێن و کاریکەری خراپی بەسەر مێشک و سەرمدا هێناوە، هەندێکجار کە کە بە رێگەدا دەڕۆم، توشی سەرەسوڕە دەبم و دەکەوم، هەر لەبەر ئەو هۆکارانەش بووە سەردانی دکتۆرم کردووە". تەیمور ئەنفال وادەڵێت.

ر. ر