مەودا میدیا-

رەوتی سەدر هەڕەشەی شکستپێهێنانی حکومەتی داهاتووی عیراق دەکات راوێژکارێکی موقتەدا سەدر، رێبەری رەوتی سەدر دەڵێت "نابێت بە هیچ شێوەیەک وەزیرانی کابینەی حکومەتەکەی محەمەد عەلاوی ئینتیمایان بۆ لایەنە شیعەکان هەبێت".

کازم عیساوی، راوێژکاری ئەمنی موقتەدا سەدر رایگەیاند "ئەگەر سەرۆک وەزیرانی داهاتوو حکومەتەکەی لە کەسانی حزبی پێکبهێنێت، ئەوا عێراقی بۆ دەکەینە دۆزەخ و لە ماوەی سێ رۆژدا حکومەتەکەی شکستپێدەهێنین".

ئەوەشی خستەڕوو "دەبێت عەلاوی بەر لە کۆتاییهاتنی وادەی دەستووری کابینەی حکومەتەکەی پێشکەش بە پەرلەمان بکات".

ئەو راوێژکارەی سەدر دەشڵێت "نابێت بە هیچ شێوەیەک وەزیرانی کابینەی حکومەتەکەی محەمەد تۆفیق عەلاوی ئینتیمایان بۆ لایەنە شیعەکان هەبێت".