مەودا میدیا-

وەزارەتی سامانە سروشتییەکانی حکومەتی هەرێمی کوردستان رایدەگەیەنێت بڕیار دراوە لەسەر بەخشینی مۆڵەت بەو کۆمپانیایانەی کە دەتوانن بەنزین هاوردەی ھەرێمی کوردستان بکەن.

لە راگەیەندراوەکەدا وەزارەتی سامانە سروشتییەکانی حکومەتی هەرێمی کوردستان هاتووە "لەسەر راسپاردەی مەسرور بارزانی، سەرۆکی حکومەتی هەرێمی کوردستان و بەمەبەستی چارەسەری کێشەی کەمی سوتەمەنی، بڕیار درا لەسەر بەخشینی مۆڵەت بەو کۆمپانیایانەی کە دەتوانن بەنزین هاوردەی ھەرێمی کوردستان بکەن بە پێی مەرج و رێنماییەکانی وەزارەتی سامانە سروشتییەکان".

ئاماژە بەوەشکراوە "هەر بۆیە داوا لەو کۆمپانیایانە دەکەین کە خوازیاری ھاوردەکردنی بەنزینن، داواکاریی خۆیان پێشکەش بە وەزارەتی سامانە سروشتییەکان بکەن".

س،ر