مەودا میدیا-

بەرهەم ساڵح سەرۆک کۆماری عیراق ئه‌مڕۆ دووشه‌ممه‌ 10ى شوباتى 2020 لە کۆشکی سەلام لە بەغداد پێشوازیکرد لە  برۆنو ئۆبیر باڵیۆزی فەرەنسا لە عیراق.

لە دیدارەکەدا باس لە پەیوەندییە دوو قۆڵییەکانی نێوان هەردوو وڵات و پەرۆشی هەردوولا بۆ بەردەوامبوونی هاریکاری هاوبەش کرا، بەجۆرێک کە خزمەت بە بەرژەوەندییەکانی عیراق و فەرەنسا بکات.

هەر لە دیدارەکەدا گفتوگۆکرا لە بارەی دوا پێشهاتە ئەمنی و سیاسییەکانی ناوچەکە، ھاوکات دووپاتیش لە پێویستی ڕێزگرتن لە ئیرادەی گەلی عیراق و بڕیاری سەربەخۆی نیشتمانی و پاراستنی ئاسایش و سەقامگیری لە وڵاتدا کرایەوە.