مەودا میدیا-

پسپۆڕی ئایتی و شارەزای سۆشیال میدیا لە بابەتێکدا کە لە لاپەڕەی تایبەتی خۆی لە تۆڕی کۆمەڵایەتیی فەیسبووک بڵاویکردووەتەوە باس لە هۆکاری گۆڕینی ناوی فەیسبووک دەکات بۆ مێتا.

سەردەشت عەزیز، پسپۆڕی ئایتی و شارەزای سۆشیال میدیا نووسیویەتی "فەیسبووک ناوی کۆمپانیاکەی گۆڕی بۆ (مێتا) ئەم ناوە دەبێتە ناوی کۆمپانیاکەیە کە خاوەندارێتی فەیسبووک و ئینستاگرام و واتس ئەپ و خزمەتگوزاریەکانی دیکە دەکات".

ئاماژەی بەوەشکرد "ئەم فەیسبووکەی خۆمان بەکاریدەهێنین ناگۆڕێت و ناوەکەی بە فەیسبووک دەمێنێتەوە، هەروەها فەیسبووک نە لەترسی منداڵە چینییەکە ناوەکەی  گۆڕی بۆ ئەوەی نەیدۆزێتەوە و هاکی بکاتەوە و نە ناوەکەی خۆی بەلاوە ناخۆش بووە بەڵکو ناوەکەی گۆڕی، بۆئەوەی خزمەتگوزارییەکانی فراوان بکات و لە بوارت تری تەکنۆلۆژیدا کار بکات".

ئەوەشی خستەڕوو "بە کورتی فەیسبووک ناوی کۆمپانیاکەی گۆڕی بۆ ئەوەی وەک پەیجی کێشەی کۆمپیوتەری بەسەر نەیەت و ناوەکە و ناوەڕۆکی وەک یەک بن و ئەم گۆڕانکارییە هیچ پەیوەندی بە ئێمەوە نییە".

س،ر