مەودا میدیا-

بەڕێوەبەرایەتیی ئاسایشی پارێزگای سلێمانی دەستگیرکردنی کەسێکی راگەیاند بە تۆمەتی ساختەکردنی پارەی عیراقی کە لە دەرەوەی هەرێمی کوردستان هێنابووی.

لە راگەیەندراوەکەدا هاتووە " بە فەرمانی دادوەر و بەپێی مادەی (281) لە یاسای سزادانی عیراقی بە مەبەستی رێگریکردن لە هەموو کارێکی ساختەکاری و نەهێشتنی بڵاوبوونەوەی هەرجۆرە دراوێکی ساختە، هێزەکانمان توانیان لە رۆژی 23ی تشرینی یەکەمی 2021 کەسێک دەستگیر بکەن بەناوی ( أ . ع . م )، لەدایکبووی ساڵی 1989و پیشەی کاسبە، هەروەها توانیان دەست بگرن  بەسەر ئۆتۆمبێلێکدا لە جۆری ( لاندکروز- پیکاب)".

لە راگەیەندراوەکەدا ئاماژە بەوەکراوە "ئەو تۆمەتبارە بڕی 180 ملیۆن دیناری عیراقی لە جۆری 50 هەزار و 25 هەزاری لە دەرەوەی هەرێم هێنابوی بەمەبەستی ساغکردنەوەی لە بازاڕەکانی شاری سلێمانیدا، هەروەها تۆمەتبارەکە رووبەڕووی یاسا کرایەوە".

س،ر