مەودا میدیا-

به‌ڕێوه‌به‌رایه‌تیی ئاسایشی رۆژئاوای سلێمانی رایگه‌یاند، له‌ ماوه‌ی 40 رۆژی رابردوودا هێزه‌كانیان له‌ سنوری قه‌زای چه‌مچه‌ماڵ، نۆ كه‌سیان به‌تۆمه‌تی به‌كارهێنان و بازرگانیكردن به‌ ماده‌ی هۆشبه‌ر ده‌ستگیركردووە.

لە راگەیەندراوێکدا ئاسایشی رۆژئاوای سلێمانی ئاماژەی بەوەکرد، له‌ چوارچێوه‌ی هه‌وڵه‌كانیان بۆ بڵاونه‌بوونه‌وه‌ و رێگریكردن له‌ به‌كارهێنان و بازرگانیكردن به‌ ماده‌ی هۆشبه‌ر هێزه‌كانیان له‌ ئاسایشی رۆژئاوای سلێمانی به‌ هاوكاری یاریده‌ده‌رێتییه‌كانی ئاسایشی بنكه‌كانی (به‌رده‌قاره‌مان، ئاغجه‌له‌ر، ته‌كیه‌ی كاكه‌مه‌ن ، شۆڕش  بازگه‌ی بانمه‌قان)، له‌ ماوه‌ی 40 رۆژدا نۆ كه‌سیان ده‌ستگیركردووه‌ به‌تۆمه‌تی به‌كارهێنان و بازرگانیكردن به‌ماده‌ی هۆشبه‌ره‌وه‌ .

ئەوەشی خستووتەڕوو، تۆمه‌تباره‌كان دانیشتوی شارو شارۆچكه‌ جیاوازه‌كانی هه‌رێمی كوردستانن، سه‌رجه‌میان به‌ فه‌رمانی دادوه‌ری دادگه‌ی لێكۆڵینه‌وه‌ی چه‌مچه‌ماڵ به‌ماده‌كانی (25، 26، 30) له‌یاسایی به‌ره‌نگاربوونه‌وه‌ی ماده‌ هۆشبه‌ر و كارتێكه‌ره‌ عه‌قڵیه‌كان له‌ هه‌رێمی  كوردستان راگیراون.

باسی لەوەشکردووە "له‌لایه‌ن هێزه‌كانمانه‌وه‌ ده‌ست به‌سه‌ر دوو ئۆتۆمبێل و چه‌كێكی جۆری ده‌مانچه‌ و بڕێكی زۆر له‌ ماده‌ی هۆشبه‌ر له‌ جۆری (كریستاڵ) گیراوه‌ كه‌ خاوه‌ندارێتییه‌كه‌یان بۆ تۆمه‌تباره‌كان ده‌گه‌ڕێته‌وه‌".

ر. ر