مەودا میدیا-

وتەبێژی یەکێتیی نیشتمانیی کوردستان رایگەیاند، ئێمە لە یەکێتیی نیشتمانیی کوردستان پیشتگیری داوا رەواکانی خوێندکاران دەکەین و داوا لە حکومەتی ھەرێم دەکەین داواکاریەکانیان بە ھەند وەربگرێت و جارێکی دیکە دەرماڵەکانیان بۆ خەرج بکاتەوە و چارەسەری گرفتەکانیان بکات .

ئەمڕ سێشەممە ئەمین بابە شێخ، وتەبێژی یەکێتیی نیشتمانیی کوردستان رایگەیاند "ئێمە لە یەکێتیی نیشتمانیی کوردستان پیشتگیری داوا رەواکانی خوێندکاران دەکەین و داوا لە حکومەتی ھەرێم دەکەین داواکاریەکانیان بە ھەند وەربگرێت و جارێکی دیکە دەرماڵەکانیان بۆ خەرج بکاتەوە و چارەسەری گرفتەکانیان بکات ".

ئاماژەی بەوەشکرد "ھەروەھا داوا لە ھێزەئەمنییەکان دەکەین دان بەخۆدا بگرن و بەھیچ شێویەک توندوتیژی بەکارنەھێنن بەرانبەر خوێندکارانی  خۆپیشاندەر لەبەر ئەوەی  داواکاریەکانیان رەواویەو مافی خۆیانە".

جەختیشی کردەوە "داواش لە خۆپیشاندەران دەکەین خۆپیشاندانەکاینان بەشێویەکی ئاشتیانە و شارستانیاینە و سەردەمیانە بەرێوەبەرن و دوور بکەونەوە لە ھەموو کارێکی توندوتیژ و  رێگە نەدەن بە ھەندێ لایەنی نا بەرپرس خۆپیشاندانەکەیان بقۆزنەوە بۆ بەرژەوەندی سیاسەتی ھەڵەیان".

ر. ب