مەودا میدیا-

وەزارەتی دارایی و ئابووریی حکومەتی هەرێمی کوردستان سه‌باره‌ت به‌ خه‌رجی وه‌زاره‌تی خوێندنی باڵا و توێژینه‌وه‌ی زانستی حکومەتی هەرێم روونکردنەوە دەدات.

لە روونکردنەوەکەدا هاتووە "سه‌باره‌ت به‌ خه‌رجییه‌كانی وه‌زاره‌تی خوێندنی باڵا و توێژینه‌وه‌ی زانستی ‎له‌ 1/1/2021 تاوه‌كو 24/11/2021 ره‌زامه‌ندی له‌سه‌ر 369 نووسراوی وه‌زاره‌تی خوێندنی باڵا و توێژینه‌وه‌ی زانستی دراوه‌ كه‌ بڕه‌كه‌ی 14 ملیار و 262 ملیون و 911 هه‌زار و 240 دیناره‌, ئه‌م بڕه‌ پاره‌یه‌ تاوه‌كو 15/12/2021زیاتر ده‌بێت".

‎ئاماژە بەوەشکراوە، له‌ هه‌مان رێکەوتیش 183نووسراویان ره‌تكراوه‌ته‌وه‌. له‌به‌ر ئه‌م هۆكارانه‌ی لای خواره‌وه‌;

‎1- هه‌ندێك نووسراو پێچه‌وانه‌ی رێنمایی دارایی بووه‌.

‎2- هه‌ندێك له‌و نووسراوانه‌ كه‌موكوڕیان هه‌بووه‌ و وه‌ڵامدراونه‌ته‌وه‌.

3- به‌ڕه‌چاوكردنی بارودۆخی دارایی هه‌رێم به‌ رێنمایی (50) پاڵپشت به‌ بریاری 14ی ئه‌نجومه‌نی وه‌زیران ره‌تكراونه‌ته‌وه‌.

س،ر