مەودا میدیا-

بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان رایدەگەیەنێت هەوڵی گەڕانەوەی کۆچبەرەکانی دیکەش دەدەین لە سنووری بیلاڕووسیا و پۆڵەندا، ئاماژەی بەوەشکرد وەزارەتی ناوخۆی حکومەتی هەرێمی کوردستان لە گەڕانی بەردەوامدایە بە دوای قاچاخچییەکان بە مەبەستی دەستگیرکردنیان.

سەفین دزەیی، بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان بە رۆژنامەنووسانی راگەیاند "هەوڵی گەڕانەوەی کۆچبەرەکانی دیکەش دەدەین لە سنووری بیلاڕووسیا و پۆڵەندا بۆ هەرێمی کوردستان و عیراق لەسەر خواستی خۆیان".

ئاماژەی بەوەشکرد "وەزارەتی ناوخۆی حکومەتی هەرێمی کوردستان لە گەڕانی بەردەوامدایە بە دوای قاچاخچییەکان بە مەبەستی دەستگیرکردنیان و ژمارەیەک قاچاخچیش دەستگیرکراون".

س،ر