مەودا میدیا-

بەهۆی رووداوێکی نەخوازراو لە گوندێکی ناحیەی سەنگاوی سەر بە قەزای چەمچەماڵ سێ منداڵ  بە برینداری گەیەندرانە نەخۆشخانەی فریاکەوتنی چەمچەماڵ.

بەڕێوەبەرایەتیی تەندروستیی چەمچەماڵ رایگەایاند "هەڵکەوت حەمە نەجم، بەڕێوەبەری سەنتەری فریاکەوتنی چەمچەماڵ پێیڕاگەیاندین، کەمێک پێش ئێستا لە گوندی هەڕێنەی ناحیەی سەنگاو سێ مناڵ لەلایەن تیمی تەندروستی و ئۆتۆمبێلی فریاکەوتنی یەکەی فریاکەوتنی خێرای 122ەوە بەبرینداری گەیەنرانە سەنتەری فریاکەوتنی چەمچەماڵ".

ئاماژە بەوەشکراوە "کە تەمەنیان (8 و 10 و 15) ساڵە و بەوتەی کەسوکاریان بەهۆی دەستکاریکردنی تەقەمەنییەوە برینداربوون لەئێستادا لە ژێر چاودێریدان و تەندروستیان باشەس".

س،ر