مەودا میدیا-

مەرجەعی باڵای شیعەکانی عیراق فەتوایەکی نوێ دەدات لەبارەی پابەندبوون بە یاسا و رێنماییەکانی هاتوچۆ و رایدەگەیەنێت ھەر کارێک پێچەوانەی یاسا و رێنماییەکانی ھاتوچۆبێت قەدەغەکراوە.

عەلی سیستانی، مەرجەعی باڵای شیعەکانی عیراق لە نوێترین فەتوایدا دەڵێت "ھەر کارێک پێچەوانەی یاسا و رێنماییەکانی ھاتوچۆبێت قەدەغەکراوە، چونکە بەشێوەیەکی ئاسایی دەبێتە ھۆی زیان گەیاندن بە گیان و سامانی خەڵک".

باسی لەوەشکردووە "شۆفێری کردن بەبێ مۆڵەت و تێپەڕاندنی ھێماکانی ھاتوچۆ و پابەند نەبوون بە رێنماییەکانی پۆلیسی ھاتوچۆ لەسەر شەقامەکان و رێکردن بە پێچەوانەی ئاراستەی شەقام لەو کارە قەدەغەکراوانەن لەلایەن ھاوڵاتییانەوە ئەنجام دەدرێن

س،ر