مەودا میدیا- سازگار ئەحمەد

فاسۆلیا یەکێکە لەو خواردنە پاقلەمەنیانەی کە خواستێکی زۆری لەسەرە و چەندین سوودی گرنگی تەندروستیشی هەیە،بەڵام زۆر کەس کێشەی ئەوەی هەیە کە بەهۆی خواردنی فاسۆلیاوە تووشی غازات دەبێت بە تایبەت ئەو کەسانەی نەخۆشی کۆڵۆنیان هەیە.

دەتوانرێت بۆ رزگاربوون لەو غازاتەی لە فاسۆلیاوە تووشمان دەبێت ئەم دوو رێگەیە بگرینە بەر، یەکێکیان تێکردنی پارچەیەک سیرە لەکاتی لێناندنی فاسۆلیاکە.

رێگەی دووەمیش بریتیە لەوەی، کاتێک دەوێت بۆ رۆژێک فاسۆلیا لێنێیت شەوەکەی بیکەرە ئاو تا بەیانی، دواتر لەکاتی لێنانیدا بڕێکی کەم زەنجەفیلی هاڕاو یان پارچەیەک زەنجەفیل تەڕ بکەرە ناوی، بەم جۆرە نابێتە هۆی دروستبوونی غازات.

س.ر