مەودا میدیا-

دژەتیرۆری کوردستان رایگەیاند، لە شنگال شەڕ لەنێوان سوپای عیراق و هێزەکانی پاراستنی شنگال (یەبەشە) روویدا و بەوهۆیەوە تانکێکی سوپای عیراق سوتێنرا و دوو کەسیش برینداربوون.

ئەمڕۆ یەکشەممە 12ی کانوونی یەکەمی 2021 لە راگەیەنراوێکدا دژەتیرۆری هەرێمی کوردستان ئاماژەی بەوەکرد " لە ئاکامی رووبەڕووبوونەوەی خۆپیشاندەرانی لایەنگرانی هێزەکانی پاراستنی شنگال (یەبەشە) و سوپای عیراق لە دووڕێیانی سنوونێ لە قەزای شنگال، تانکێکی سوپای عیراق سووتێندرا و دوو خۆپیشاندەریش برینداربوون"   

  

باسی لەوەشکردووە "دوابەدوای ئەو ئاڵۆزییانە، رووبەڕووبوونەوەی چەکداری لە نێوان یەپەشەی سەر بە پەکەکە و سوپای عیراق دروست بوو، بەهۆیەوە سوپای عیراق پاشەکشەی کرد".

ئەوە لە کاتێکدایە سەرلەئێوارەی ئەمڕۆ یەکشەممە لایەنگرانی یەبەشە دژی هێرشە ئاسمانییەکانی تورکیا لە بازاڕی سنوونێ گردبوونەوە و دواتر هێزێکی سوپای عیراق هەوڵیدا بڵاوە بە خۆپێشاندەران بکات و بەهۆیەوە گرژی لەنێوانیاندا روویدا. 

ر. ب