مەودا میدیا-

سكرتێری ئه‌نجومه‌نی وه‌زیرانی هەرێمی کوردستان رایگەیاند، بڕیاری دامەزراندنی سێ یەکەمەکانی زانکۆ حکومییەکان لە ئەنجومەنی وەزیرانەوە ئاراستەی هەردوو وەزارەتی خوێندنی باڵا و دارایی و ئابووریی کرا بۆ جێبەجێکردنی.

ئەمڕۆ یەکشەممە ئامانج رەحیم، سكرتێری ئه‌نجومه‌نی وه‌زیرانی هەرێمی کوردستان لە راگەیەندراوێکدا ئاماژه‌ى به‌وه‌كردووه‌ "سێ یەکەمی دەرچووانی بەشەکانی زانکۆ حکومییەکانی ساڵی 2016-2017 دامەزراندنتان ئەمڕۆ بە نووسراوی سکرتاریەتی ئەنجومەنی وەزیران بە فەرمی ئاراستەی هەردوو وەزارەتی خوێندنی باڵا وتوێژینەوەی زانستی و دارایی و ئابووریی کرا بۆ جێبەجێکردنی".

ئەوەشی خستووەتەڕوو "لەم نزیکانەدا لە لایەن زانکۆکانەوە ئاگادار دەکرێنەوە بۆ دەستکردن بە مامەڵەی رۆتینیی دامەزراندنیان".

ر. ب